ҰЛТТЫҚ ОЙЫН-ҰЛТ ҚАЗЫНАСЫ……

Түркістан қаласы білім бөліміне қарасты Хамза атындағы N2 жалпы білім беретін мектебінде Қазақстан халқы Ассамблеясының 30 жылдығы мен Алғыс айту күніне орай дене шынықтыру пәні мұғалімдерінің ұйымдастыруымен “Ұлттық ойындар — ұлтымыздың құнды мұрасы” тақырыбында ұлттық ойындар ойнатылды.

Мақсаты: халқымыздың ұлттық ойындарын насихаттау. Оқушыларды достыққа, ұйымшылдыққа, шапшаңдыққа, ептілікке тәрбиелеу.

Ұлттық ойындар -халқымыздың тарихы мәдениеті мен ұлттық рухының айнасы .

Халқымыздың ұлттық ойындары достық пен ұйымшылдыққа , батырлық пен тапқырлыққа үйретеді.

Ұлттық ойындар сайысында күш бірлікті сынайтын- «Арқан тарту», мергендікті көздейтін -«Асық ату», ептілік пен дәлдікті қажет ететін «Ләңгі тебу» ойындары ұйымдастырылды .

Қазақстан -көп ұлтты мемлекет. Әрдайым өз мәдениетімізді құрметтеп, ата -бабаларымыздан қалған асыл мұраны сақтайық !