️Түркістан қаласы білім бөліміне қарасты Хамза атындағы N2 жалпы білім беретін мектебінде Кеңес әскерінің Ауғанстан жерінен шығарылғанына 36 жыл толуына орай атқарылатын іс-шаралар жоспарына сәйкес 10-«А» сынып жетекшісі Рисолат Бабажанованың ұйымдастыруымен «Отты жылдардың естелігі» тақырыбында дөңгелек үстел өткізілді.
️Мақсаты: Ауған соғысы ардагерлерінің ерлігін еске алу, жастарды отансүйгіштікке, ерлікке баулу, ауған соғысы ардагерлеріне құрмет көрсету.
Кездесуге Ауған соғысының ардагері Қаюмов Қадыр ағамыз қатысып, оқушылармен сұхбаттасып, соғыс жылдарындағы қиындықтар мен қызықты оқиғаларымен бөлісіп, соғыс кезіндегі естеліктерін айтып, жастарға елі мен жеріне деген сүйіспеншілікті ұғындыруға тырысты.
Дөңгелек үстел соңында мектебіміздің алғашқы әскери және технологиялық дайындық пәні мұғалімі Д.Хансеитов ауған соғысының ардагерлерін мерекемен құттықтап, ардагерлердің өжеттігін үлгі етуге,оқушыларды ерлікке әрдайым тағзым етуге шақырды.
Бұл кездесу – жас ұрпаққа тарихи шындықты жеткізіп, Отансүйгіштік рухын арттыруға арналған маңызды іс-шаралардың бірі болды.
